ગુજરાતમાં ખેતીની જમીનને લઈને આવ્યા મોટા સમાચાર, કોઈપણ વ્યક્તિ ખેતીની જમીન ખરીદી શકશે

આપણો ભારત દેશ કૃષિ પ્રધાન દેશ છે. કેન્દ્ર સરકાર પણ કૃષિને લગતી અનેક યોજનાઓ બહાર પાડે છે.તેને અનુલક્ષીને રાજ્ય સરકારે ખેતીની જમીન ને લઈને નવી વિચારણા શરૂ કરી છે. જેના પગલે હવે ગુજરાતમાં પણ અન્ય રાજ્યોની જેમ, કોઈ પણ બિન ખેડૂત વ્યક્તિ ખેતીની જમીન ખરીદી શકશે. જેનાથી કૃષિ ક્ષેત્રે અનેક પરિવર્તનો આવી શકે છે. New rules for land purchase in Gujarat

ખેતીલક્ષી યોજનાઓનો લાભ મેળવવા માટે વિશેષ રૂપે બિઝનેસમેન અને ઉદ્યોગપતિ સહિતના ઘણા લોકો એવા છે જે ખોટી રીતે ખેડૂત ખાતેદાર બની રહ્યા છે. જેમાંથી ઘણા ખરા એવા લોકો છે જેમને કૃષિ ક્ષેત્રમાં ખરેખર રસ હોવા છતાં ખેડૂત ન હોવાને કારણે ખેતીની જમીન ખરીદી શકતા નથી. કારણ કે આપણા ગુજરાત રાજ્યમાં એવો કાયદો છે કે મૂળભૂત રીતે જો ખેડૂત પરિવાર હોય તો જ ખેતીની જમીન ખરીદી શકે છે અને કૃષિ લક્ષી લાભ મેળવી શકે છે. આ કાયદા ની જોગવાઈના કારણે જ ઘણાં લોકો બોગસ ખેડૂત ખાતેદાર બનવા અવનવાં પેતરા રચે છે. જેથી કરીને આપણા ગુજરાત રાજ્યમાં ઘણા એવા બોગસ ખેડૂત ખાતેદારના કિસ્સા પણ નોંધાયા છે.

જેથી કરીને રાજ્ય સરકારે વિશેષરૂપે એટલા માટે જ નિર્ણય લીધો કે કૃષિ ક્ષેત્રના વિકાસમાં રોકાણ, ઓર્ગેનિક ખેતી ક્ષેત્રે વધુ વિકાસ થાય તથા ખેતીની બિન ઉપયોગી જમીન ફળદ્રુપ અને ઉપજાઉ બને એ હેતુથી બીજા રાજ્યોની તુલનાએ ગુજરાતમાં પણ કોઈપણ વ્યક્તિ ખેતી માટેની જમીન ખરીદી શકે તેવી રાજ્ય સરકારે વિચારણા શરૂ કરી છે.